iPad 2-ի վերաբերյալ հիմնական բողոքները եղել են նրա ֆոտոխցիկի հետ կապված։ Դա միակ գործոնն էր, որի պատճառով iPad-ը հետ էր մնում իր մրցակիցներից: Apple Daily կոչվող չինական բլոգի նոր նկարները ցույց են տալիս, որ սա կարող է փոխվել հաջորդ iPad-ի թողարկման շնորհիվ:
Ըստ The Washington Post-ի՝ կայքում տեղադրված լուսանկարները ցույց են տալիս, որ նոր iPad-ի ֆոտոխցիկը նման կլինի iPhone 4S-ի 8MP ֆոտոխցիկին: Սա նշանակում է, որ պլանշետի թողարկումից հետո ֆոտոխցիկի որակը մեծապես կլավանա: Ars Technica-ն նույնպես հաստատել է այս տեղեկությունները` հիմնվելով որոշ նկարների վրա: Սակայն ենթադրվում է, որ սրա պատճառով կարող է բարձրանալ iPad-ի գինը:
MacRumors-ը հայտնում է, որ Apple Daily-ի հայտնած տեղեկությունները տեխնոլոգիական աշխարհի զարգացումների վերաբերյալ հիմնականում համապատասխանում են իրականությանը: