Ազգային ժողովի պատգամավոր, «Գրանդ հոլդինգ» ընկերության սեփականատեր Հրանտ Վարդանյանի կրտսեր որդին՝ Կարեն Վարդանյանը, դեռևս որոշում չի կայացրել՝ առաջիկա խորհրդարանական ընտրություններին առաջադրվելո՞ւ է մեծամասնական ընտրակարգով, թե ոչ: «Առաջին լրատվական»-ի հետ զրույցում այս մասին ասաց «Գրանդ Տոբակո»-ի հասարակայնության հետ կապերի բաժնի պետ Վահրամ Բրուտյանը:
Նշենք, որ ըստ մամուլում շրջանառվող լուրերի՝ Կարեն Վարդանյանը ցանկություն չունի պատգամավորության թեկնածու առաջադրվել, փոխարենը որոշ աղբյուրներ նշում են, որ Հրանտ Վարդանյանի ավագ որդին` Միքայել Վարդանյանը, մեծամասնական ընտրակարգով առաջադրվելու է թիվ 40 ընտրատարածքում: