Ռուսական Интерфакс գործակալության փոխանցմամբ՝ ամերիկյան Carl Vinson ավիակիրը Հորմուզի նեղուցի միջով դուրս է եկել Պարսից ծոցից և ներկայումս գտնվում է Արաբական ծովում: Այս մասին հայտարարել է ԱՄՆ ռազմածովային ուժերի տեղեկատվական ծառայությունը:
Ունեցած տվյալներով՝ ավիակիրը Պարսից ծոց էր մտել՝ ԱՄԷ-ում իր պաշարները համալրելու համար: Մինչ այդ ավիակիրն իր ուղեկցող նավերի հետ պարեկություն էր կատարում Իրանի հարավարևելյան ափերի մոտ:
Ներկայիս դրությամբ Պարսից ծոցում չի մնացել ամերիկյան որևէ ավիակիր: