«Հրապարակ»-ը գրում է, որ Վարդան Օսկանյանի` ԲՀԿ-ում անդամագրվելն ու այդ կապակցությամբ իր բացատրություններն ու ելույթները իսկական իրարանցում են առաջացրել հանրապետականների շրջանում:
«Մեզ հասած տեղեկություններով` Օսկանյանի ակտիվ հայտարարությունները ՀՀԿ-ում դիտարկել են ՀՀԿ-ԲՀԿ-ի միջև կնքված զինադադարի խախտում և պատրաստվում են համապատասխան հակահարվածով հանդես գալ:
Այս շարքից է «Ֆեյսբուք» սոցիալական ցանցում Արմեն Աշոտյանի մեկնաբանությունը, որն ուղղված է Օսկանյանի` ԲՀԿ-ին անդամագրվելուն: Աշոտյանը գրել էր, թե «Օսկանյանը ԲՀԿ է մտել ի կատարումն կոալիցիոն հուշագրի, որն ամրագրում է գալիք ընտրություններին կուսակցությունների միջև համամասնության պահպանում: Քանի որ, և դա գաղտնիք չէ, մի պահ ԲՀԿ վարկանիշը սկսեց աճել, հուշագրի այդ կետը պահպանելու համար Օսկանյանը մտավ ԲՀԿ:
Հիմա նորից հուշագրի զորությունն ամբողջությամբ վերականգնվել է»:
Այնպես որ, կոալիցիոն կուսակցությունների գզվռտոցը վերսկսվելու է նոր ֆորմատով»,- հավելում է թերթը:
