Նոր Զելանդիայում այսօր հիշում են մեկ տարի առաջ տեղի ունեցած հզոր երկրաշարժի զոհերին: Երկրում երկու րոպե լռություն է հայտարարվել: Այս մասին հաղորդում է «Ազատություն» ռադիոկայանը:
Կրայչեսթեր քաղաքում 2011թ. փետրվարի 22-ին տեղի ունեցած հզոր երկրաշարժը խլել էր 185 մարդու կյանք: Նոր Զելանդիայի` մեծությամբ երկրորդ քաղաքի կենտրոնական զբոսայգում այսօր ընթերցվել են բոլոր զոհվածների անունները:
Սգո արարողությանը ներկա էր մոտ 20 հազար մարդ, այդ թվում` զոհվածների հարազատները: Ինչպես նշել է Նոր Զելանդիայի վարչապետ Ջոն Քեյը, անցած տարվա երկրաշարժը կմտնի պատմության մեջ «որպես ամենամռայլ օրերից մեկը»: