Վենեսուելայի նախագահ Ուգո Չավեսը երեկ հայտարարել է, որ իրեն անհրաժեշտ է նոր վիրահատություն, քանի որ նրա մոտ հայտնաբերվել է քաղցկեղի նոր օջախ, ինչի մասին նրան հայտնել են կուբացի բժիշկները: Այս մասին հաղորդում է Reuters գործակալությունը: «Ուռուցքը չի տարածվում: Այն ունի միայն 2 սմ մեծություն, սակայն պետք է հեռացվի, ինչի համար վիրահատություն է անհրաժեշտ… Սպասվում է, որ այն (վիրահատությունը) կլինի պակաս բարդ, քան նախորդը»,- ասել է Չավեսը:
Չավեսը կոչ է արել չմտահոգվել, քանի որ ինքը շատ ուժեղ է և պատրաստ է «ճակատամարտի»: Նոր ուռուցքը հայտնաբերվել է մարմնի նույն մասում, ինչ նախորդ չարորակը:
Հիշեցնենք, որ 2011թ.-ին Չավեսի մոտ հայտնաբերվել էր չարորակ ուռուցք: Նա Կուբայում ենթարկվել էր վիրահատության և անցել քիմիաթերապիա: