Ռուսաստանում կայանալիք արդար ընտրությունների դեպքում Վլադիմիր Պուտինը չի խուսափի երկրորդ փուլից, չնայած առաջին փուլի ընթացքում նա մյուս թեկնածուներից ավելի շատ ձայն կհավաքի, բայց հաղթանակի համար դա բավարար չի լինի: Այսպիսի տվյալներ են հրապարակել պրոֆեսիոնալ սոցիոլոգների և «Բաց կարծիք» նախագծի ներկայացուցիչները:
Այս տվյալները հակասում են հասարակական կարծիքի ուսումնասիրման կենտրոնի տվյալներին, որի համաձայն՝ առաջին փուլում Վլադիմիր Պուտինը հաղթանակ կտանի` ստանալով ձայների 58.6 տոկոսը:
Անկախ սոցիոլոգների կարծիքով՝ վերոնշյալ ցուցանիշը տասը տոկոսով ավելի պակաս կլինի, Պուտինը կստանա ձայների 48 տոկոսը:
Հարցումների համաձայն՝ Պուտինի գլխավոր մրցակից Գենադի Զյուգանովը կստանա ձայների 6 տոկոսը, իսկ ՄիխայիլՊրոխորովը և Վլադիմիր Ժիրինովսկին` 5–ական տոկոս:
Հարցման մասնակիցների կարծիքով՝ ընտրությունների երկրորդ փուլում Պուտինը հաղթանակ կտանի` ստանալով ձայների 54 տոկոսը, ի տարբերություն մյուս թեկնածուների, որոնք կստանան ձայների 8 տոկոսը: