Ուկրաինայի նախկին վարչապետ Յուլյա Տիմոշենկոն հայտարարել է, որ չի ցանկանում հետևել գաղութի վարչակարգին, որտեղ նա իր պատիժն է կրում և չի ցանկանում մասնակցել աշխատանքային գործունեությանը: Այս մասին փետրվարի 20-ին տեղեկացնում է Ուկրաինայի պետական ուղղիչ ծառայությունը: Կաչանովյան կանանց ուղղիչ գաղութի բանտարկյալները, որոնց թվում է նաև Տիմոշենկոն, զբաղվում են սպիտակեղեն, բանվորական հագուստ, պարկեր կարելով և այլ գործունեությամբ: Այս կերպ պետական ծառայությունը հերքում է Տիմոշենկոյի պաշտպան Սերգեյ Վլասենկոյի տեղեկությունն այն մասին, որ իր պաշտպանյալը չի հրաժարվում գաղութի աշխատանքային գործունեությունից։ Այս մասին հաղորդում է РИА Новости-ին:
Ուղղիչ աշխատանքային գաղութի տեղեկության համաձայն՝ փետրվարի 9-ին Յուլյա Տիմոշենկոն Կաչանովյան գաղութի ղեկավարին դիմում է գրել: Փաստաթղթում նա նշել է, որ «ցանկություն չունի հետևել գաղութի վարչակարգին, աշխատանքային և դաստիարակչական գործունեությանը , ինչպես նաև չի ցանկանում մասնակցել մշակութային միջոցառումներին»: «Գաղութի ղեկավարությունն իր հերթին ըմբռնումով է մոտենում այս ցանկություններին, քանի որ Տիմոշենկոն առաջին հերթին բողոքում է իր առողջական վիճակից, երկրորդ` փետրվարի 14-16-ը բժշկական հետազոտություն է անցել, 3-րդ` դեռ ծանոթանում է քրեական գործի նյութերին»,- ասվում է ուղղիչ գաղութի հաղորդագրությունում:
Տիմոշենկոն խարկովյան գաղութում պատիժ է կրում «գազի» գործով: Դատարանը նրան դատապարտել է 7 տարվա ազատազրկման՝ ՌԴ–ի հետ 2009 թվականին գազի մասին համաձայնագիր կնքելիս իր լիազորությունները չարաշահելու համար: