Քաղաքի համար վատ է, բայց այդ մարդկանց պետք է տեղավորել, բայց ես կողմ եմ մաքուր քաղաքին: Քաղաքը պետք է մաքուր պահել: «Առաջին լրատվական»-ի հետ զրույցում ասաց կոմպոզիտոր Արամ Սաթյանը` հարցին ի պատասխան, թե ինչ է կարծում Երևանի քաղաքապետ Տարոն Մարգարյանի այն որոշման մասին, որով պետք է Մաշտոցի այգում տեղադրվեն Աբովյան փողոցից ապամոնտաժված կրպակները:
Նրա խոսքով` կրպակների կառուցման դեմ պայքարողները ավելի լավ է պայքարեն, որ սով չլինի: «Թող դրա մասին մտածեն: Մարդիկ բոմժերի են նմանվել: Թող Խանջյանի այգում կառուցված հսկայական օբեյկտների դեմ պայքարեն, ոչ թե կրպակների: Միջին բիզնեսի դեմ պայքարելը սարսափելի բան է»,- ասաց նա:
Ա. Սաթյանի խոսքով` ինչ վերաբերում է կանաչ տարածքներին, ապա դրան պետք չէ ձեռք տալ: «Դա իմ փողոցն է, որտեղ ես ծնվել ու ապրել եմ: Սակայն ավելի մեծ խնդիրներ ունենք: Պետք է մեծի մասին մտածել, ոչ թե փոքրերի: Հերիք է շեղել մարդկանց ուշադրությունը»,- ասաց Ա. Սաթյանը: Հարցին` ովքե՞ր են շեղում հասարակության ուշադրությունը, բնապահպան-ակտիվիստնե՞րը, վերջինս հստակ պատասխան չտվեց:
