Ինչպես հաղորդում է Reuters գործակալությունը` հիմնվելով Վատիկանի աղբյուրի տեղեկատվության վրա, Հռոմի պապ Բենեդիկտոս 16-րդը կցանկանար հանդիպել Ֆիդել Կաստրոյի հետ` Կուբա կատարած իր այցի ընթացքում:
«Հանդիպումը կախված է նրա (Ֆիդել Կաստրոյի) առողջական վիճակից»,- ընդգծել է աղբյուրը: Կուբայի նախկին ղեկավար Ֆիդել Կաստրոյի առողջական վիճակը վերջին շրջանում բարելավվել է:
Ինչպես հաղորդում է РИА Новасти-ն` նա տասը ժամ 22 երկրների ձախակողմյան մտավորականների հետ քննարկել է գլոբալ վտանգների կանխարգելման ուղիներ գտնելու հարցը:
Կուբայի տեղական ԶԼՄ-ները նշել են, որ տասժամյա քննարկման ժամանակ միայն երկու փոքր ընդմիջում է եղել, և բոլորը զարմացած են եղել Ֆիդելի կենսական ուժի վրա:
Հռոմի պապի այցը Կուբա տեղի կունենա մարտի 26-28-ը: Պապը նախատեսում է հանդիպել Ազատության կղզու ներկայիս ղեկավար Ռաուլ Կաստրոյի հետ:
