Երկու կատուներ, որոնք պատկանում էին Գերմանիայի բնակիչ` Բեատե Չապեին, ով ձերբակալված է եղել նեոնացիստական ահաբեկչական խմբի գործունեության մեջ ներգրավված լինելու կասկածանքով, հայտնվել է սկանդալի կենտրոնում:
Ներկայումս նա կալանքի տակ է, իսկ իր կատուները ապրում են կացարանում, և ոչ ոք չի վճարում նրանց համար, տեղեկացնում է Spiegel-ը:
Չեպեն, ով ապրում էր Ցվիկաուում, ձերբակալվել է 2011 թ. նոյեմբերին: Նա և իր մի քանի մեղսակիցներ կասկածվում են ծագումով թուրք և հույն բիզնեսմենների սպանության մեջ: Berliner Morgenpost-ը գրում է, որ ըստ հետաքննության`նեոնացիստական ահաբեկիչները պատասխանատու են Գերմանիայում 10 սպանությունների համար:
Երբ Բեատե Չեպեն բանտարկվեց, նրա կատուներին` Լիլիին ու Հայդիին, տվեցին հարևաններին, իսկ այնուհետև նրանց վերցրեց ոստիկանությունը և տարավ կացարան` վճարելով միայն երեք ամիս մնալու համար նախատեսված գումար, որից հետո այդ պատասխանատվությունը պետք է ստանձներ Գերմանիայի քրեական ոստիկանության դաշնային վարչությունը:
Կացարանում կատուների մնալը արժե օրական 6 եվրո: Ներկա պահին կենդանիների պարտքը կազմում է 1017 եվրո 42 ցենտ: Կացարանի աշխատակիցները պնդում են, որ քրեական ոստիկանության դաշնային վարչության բյուջեից կատուների համար ոչ մի գումար չի փոխանցվել:
Կացարանում հայտարարել են, որ եթե մոտ ժամանակներս գումարը չփոխանցվի, իրենք ստիպված կլինեն դիմել դատարան:
