Հանրապետության լեռնային շրջաններում ծավալվում է վերջին մի քանի տարիների ամենախոշոր ռազմական օպերացիան: Մարտերում կիրառվում է ծանր զրահատեխնիկա և ռազմական ավիացիա:
Վերջին տվյալներով՝ Չեչնիայի Նոժայ-Յուրտովյան շրջանում, զոհվել է 21 ոստիկան: Միայն վերջին օրվա ընթացքում գրոհայինները սպանել են ՆԳՆ 8 աշխատակցի: Իրավապահ մարմինների 36 աշխատակից վիրավոր է:
«Հատուկ օպերացիան իրականացվում էր դժվարամատչելի, լեռնա-անտառային տարածքում։ Դրա պատճառով հնարավոր չէր օգտագործել զրահատեխնիկա: Ոստիկանների գործողությունները բարդացնում էին նաև փոփոխական եղանակը և ձյունը»,- Life News-ին հաղորդել է հանրապետության ուժային կառույցներից մեկի աշխատակիցը։
Չնայած վատ եղանակային պայմաններին՝ գործողություններն ավարտին են հասցվել, որի արդյունքում էլ ոչնչացվել է «Աբուդար» մականունով 47-ամյա Մագարբի Թեմիրալիևի ղեկավարության տակ գտնվող խմբավորումը:
«Այսօր զոհվել են 7 գրոհայիններ: Նշված խմբավորման ոչնչացմանն ուղղված օպերացիան չի ավարտվում»,- Life News-ին հայտնել են Չեչնիայի ղեկավարների մամլո ծառայությունից:
Նախնական տվյալներով՝ ՆԳՆ աշխատակիցները մեծ կորուստներ են կրել: 21 մարդ զոհվել է, 36–ը՝ վիրավորվել: