Hotel.info հյուրանոցային համարների ամրագրման կենտրոնը հայտնել է Եվրոպայում ամենաթանկ հյուրանոցներ ունեցող երկրների անունները: Առաջին տեղում է Շվեդիան, որտեղ հյուրանոցային համարի միջին արժեքը մեկ գիշերվա համար 134.22 եվրո է:
Դանիան զբաղեցնում է երկրորդ տեղը` 123.48 եվրո:
Միացյալ Թագավորության սակագներն աճել են 3.37 %-ով `այդպիսով հյուրանոցային համարի միջին արժեքը դարձնելով 120.06 եվրո, ինչն էլ ապահովել է նրա վարկանիշային երրորդ տեղը:
Չորրորդ տեղում է Ֆինլանդիան, որտեղ նկատվել է գների աճ՝ 2.74 եվրոյով: Միջին ցուցանիշը` 116 եվրո է:
Ֆրանսիան՝ աշխարհում իր ամենաթանկ հյուրանոցներով, զբաղեցրել է հինգերորդ տեղը. միջին արժեքը` 103.54 եվրո:
Պարզվել է, որ Եվրամիությունում ամենամատչելի հյուրանոցները Լիտվայում են: Երկրի միջին ցուցանիշը 60.31 եվրո է: Այս թիվը երկու անգամ էժան է շվեդական սակագնից:
Իսկ ինչ վերաբերում է գների ամենակտրուկ իջեցմանն, ապա այն նկատվել է Լեհաստանում` կազմելով 6.64 %: Հյուրանոցային համարի միջին արժեքը նվազել է՝ 76.71 եվրոյից դառնալով 70.37 եվրո:
