«Առաջին լրատվական»-ը այսօր տեղեկացրել էր, որ «Սիլ գրուպ» կոնցեռնի հիմնադիր Խաչատուր Սուքիասյանն առաջիկա խորհրդարանական ընտրություններին չի առաջադրի իր թեկնածությունը և փոխարենը, Հայ ազգային կոնգրեսի համամասնական ցուցակում կընդգրկվի Խաչատուր Սուքիասյանի եղբայրը, «Հայէկոնոմբանկի» նախագահ Սարիբեկ Սուքիասյանը»:
«Առավոտ»-ի խնդրանքով մեկնաբանելով մեր լուրը՝ Սարիբեկ Սուքիասյանն ասել է. «Որպեսզի հասարակությունը տեղյակ լինի և թյուրմացության մեջ չգցեն՝ պարզաբանում եմ, որ ես զբաղվում եմ տնտեսական գործունեությամբ և պատգամավոր դառնալ չեմ ցանկանում»: Անդրադառնալով նաև Խաչատուր Սուքիասյանի առաջադրմանը՝ Սարիբեկ Սուքիասյանն ասել է.«Խաչատուրը քաղաքական գործիչ է, լավ փորձագետ, լավ օրենսդիր ու խորհրդարանական: Եվ կարծում եմ՝ նա մեծամասնական ընտրակարգով կմասնակցի ընտրություններին»:
