ՀՀ քաղաքացիները պարտավորված են լինելու ստանալ երկու անձնագիր` մեկը վավեր կլինի արտերկրում, մյուսը` ՀՀ-ում: Այսօր կառավարության նիստից հետո ՀՀ արդարադատության նախարար Հրայր Թովմասյանը ճեպազրույցում պարզաբանեց, որ այդ անձնագրերին զուգահեռ կգործեն նաև նույնականացման քարտեր: «Դա ամբողջ աշխարհում ընդունված պրակտկա է»,- ասաց նախարարը:
Նրա խոսքով՝ անձնագրերը կտրվեն կամ անվճար, կամ 1000 դրամով: Թղթային անձնագրերը հիմնականում կօգտագործվեն ընտրությունների ժամանակ հատուկ կնիքով ապահովելու համար, քանի որ եթե պլաստիկ քարտերի մեջ թղթային մաս լինի, ապա անվտանգության աստիճանն էականորեն կփոքրանա:
«Նման ռիսկի չենք ցանկանում գնալ, իսկ պլաստիկի վրայից թանաքը հեշտությամբ մաքրվում է»,- ասաց Հ. Թովմասյանը` հավելելով, որ սա չի վերաբերում առաջիկա խորհրդարանական ընտրություններին, քանի որ էլեկտրոնային անձնագրերի ներդրումը սկսվելու է հունիսի 1-ից: Այս փոփոխությունը հաջորդ ընտրությունների համար է:
