Եվրամիության արտաքին քաղաքականության հարցերի ներկայացուցիչ Քեթրին Էշթոնն իր խոսնակի միջոցով այսօր Yahoo News-ին հաղորդել է, որ նամակ է ստացել Իրանի կողմից: Նամակը միջուկային միջազգային բանակցություններին մասնակցելու Իրանին ուղարկված Էշթոնի հրավերքի պատասխանն է:
Էշթոնի խոսնակն այսօր հեռախոսազրույցի ժամանակ ասել է, թե հաստատում է, որ բարձրագույն ներկայացուցիչ Էշթոնը նամակ է ստացել Իրանի միջուկային հարցերով բանակցող Սաեդ Ջալիլիի կողմից: Խոսնակը նաև ասել է, որ Էշթոնը Իրանի հետ բանակցող 6 կառավարությունների հետ քննարկումներ է անցկացնում` Իրանի նամակին պատասխանելու համար:
Իրանի նամակն ստացվել է հենց այն ժամանակ, երբ ԱՄՆ նախագահ Բարաք Օբամայի վարչակազմն այս շաբաթ հայտնել էր, թե կարծում է, որ Իրանը ցանկանում է վերադառնալ բանակցությունների սեղան: