Հունվարի 23-ի դրությամբ Հայաստանում կա մեկ ադրբեջանցի ռազմագերի: Այս մասին «Առաջին լրատվական»-ին տեղեկացրեց Կարմիր խաչի միջազգային կոմիտեի (ICRC) հայաստանյան պատվիրակությունից Հասմիկ Գալստյանը: Նա նշեց, որ հունվարի 23-ից հետո ոչինչ չի փոխվել: «Հայաստանում կա 1 ադրբեջանցի ռազմագերի, իսկ Ադրբեջանում` 1 ընտանիք (5 հոգի) և 3 ռազմագերի»,- հիշեցրեց Հ. Գալստյանը:
Այն հարցին, թե ի՞նչ վիճակում են Ադրբեջանում հայ ռազմագերիները, պատասխանեց, որ Կարմիր խաչը սկզբունքորեն ռազմագերիների վիճակի մասին տեղեկություններ չի հայտնում: «Ռազմագերիների շահերից ելնելով` մենք տեղեկություններ չենք հայտնում: Պարբերաբար այցելություններ լինում են ռազմագերիներին»,- նշեց Հասմիկ Գալստյանը`տեղեկացնելով, որ վերջին այցը Ադրբեջանում հայ ռազմագերիներին եղել է 2012 թ. փետրվարի սկզբին:
