Հայտնի երգչուհի Ուիթնի Հյուսթոնի դիահերձման արդյունքները կներկայացվեն երգչուհու հուղարկավորությունից հետո: Մոտ ժամանակներս Հյուսթոնի մարմինը կփոխանցվի նրա հարազատներին: Այս մասին հաղորդում է Associated Press գործակալությունը` հղում կատարելով ոստիկանության ներկայացուցիչներին: Ոստիկանությունը հայտնել է, որ Հյուսթոնը ողջ է եղել, երբ նրան հայտնաբերել են Beverly Hilton հյուրանոցի աշխատակիցները: Նշվում է, որ նրա մարմինը գտնվել է ջրով լի վաննայում:
Երգչուհու մերձավորները հայտարարել են, որ Ուիթնի Հյուսթոնի հուղարկավորությունը տեղի կունենա նրա հայրենիքում` Նյու Ջերսի նահանգում: Երգչուհու մարմինն առաջիկա ժամերին ինքնաթիռով կտեղափոխեն Լոս Անջելեսից Նյուարկ: Հրաժեշտի երեկոն տեղի կունենա Նյուարկի Prudential Center մարզահամալիրում, որը կարող է տեղավորել 18 հազար մարդու: