Այսօր` ընդամենը մի քանի ժամ առաջ, նման գրություն է իր Facebook-յան պատին գրել հայտնի դերասան Հովհաննես Ազոյանը (Հովո)` առանց մանրամասնելու` հատկապես ինչ նկատի ունի:
Նրա այս գրառումը սոցցանցում արդեն բուռն քննարկումների առիթ է դարձել:
Օգտատերերի գրառումներից ակնհայտ է դառնում, որ շատերն են հասկացել կամ ենթադրում են` ինչ երևույթի է անդրադարձել դերասանը:
Մասնավորապես, օգտատերերից մեկը գրել է. «Հով ջան, դե, գիտես, ես չեմ վաճառվում», մեկ ուրիշն էլ գրել է. «Վատը էն ա, որ կուրսը ոնց որ թե ընկել ա. 2008-ին մինչև 40.000-ի հասել ա: Կյանքը, փաստորեն, դժվարացել ա…»: Մեկ այլ օգտատեր էլ իր գրառմանը կցել է տեսանյութը, որտեղ պարզ երևում է, որ երեկ Հրազդանում կայացած ընտրությունների ժամանակ ինչպես է կինը պահանջում իր հասանելիք 5000 դրամը:
«Էս ո՞ւր հասանք», «Ծախվելը դարձել է հայի այցեքա՞րտը: Մի՞թե մենք սրան էինք արժանի», «Կենդանիների շուկայում կովը արժե 970 հազար դրամ, իսկ Հայաստանի Հանրապետության ընտրությունների օրը մարդը արժե ընդամենը 5000 ՀՀ դրամ»՝ հռետորական հարցեր են բարձրացնում սոցցանցի օգտատերերերը:
Հենց այս պահին էլ թեժ քննարկումները շարունակվում են:
Լուսանկարը` Bravo.am-ի