Ինչպես հաղորդում է CNN-ը, երեկ երեկոյան ահաբեկչական գործողություններ նախապատրաստելու մեղադրանքով ձերբակալվել է 12 մարդ: Դա տեղի է ունեցել երկրի հարավում: Ձերբակալվածներից 3-ը կապ ունեն այս ամսվա սկզբին Իտալիայում ձերբակալված կասկածյալի հետ, որի արտաքսման համար Ֆրանսիան դիմել էր իտալական իրավապահներին: Երկուսը ձերբակալվել են Մարսելում, երրորդը` Բորդոյում: Մյուս ինի ձերբակալությունը տեղի է ունեցել երկրի հարավում, մի մասը` Մարսելում, մյուսը` Ավինյոնում: Մարսելի ոստիկանությունից հայտնել են, որ այդ ինը, , կապ ունեն Իսլամական շարժման հետ եւ փորձել են զենք և պայթուցիկ ձեռք բերել: Պարզ չէ`ձերբակալվածները Ֆրանսիայի քաղաքացիություն ունեն, թե ոչ: Նրանցից ոչ մեկին մեղադրանք չի ներկայացվել: Ֆրանսիական օրենքների համաձայն` ոստիկանությունը դա կարող է անել 6 օրվա ընթացքում:
Իտալական ոստիկանությունը հայտնել է, որ անցած ամիս նրանք ձերբակալել են ալժիրյան ծագում ունեցող Ֆրանսիայի մեկ քաղաքացու, որը, ենթադրվում է, կապեր ունի Ալ-Քաիդա ահաբեկչական կազմակերպության հետ: