Նավթի գները Նյու-Յորքում և Լոնդոնում թանկացել են: 2008թ. հոկտեմբերից նավթի գներն աշխարհում այսքան բարձր չէին եղել: Նավթի գների աճին նպաստել են Եվրոպայում և ԱՄՆ-ում հաստատված ցրտաշունչ ձմեռը, ինչը մեծացրել է նավթի նկատմամբ պահանջարկը: բացի այդ, գների աճը նաև պայմանավորված է Եվրոպայում և ԱՄՆ-ում անցած ամիս արձանագրված մակրոտնտեսական լավ ցուցանիշներով, երբ աճ է ֆիքսվել արդյունաբերության և շինարարության ոլորտներում:
Նյու Յորքի New York Mercantile Exchange (NYMEX) ապրանքային բորսայում Light, Sweet Crude Oil մակնիշի նավթի փետրվարյան գները կազմել են 91,55$/բարել` աճելով 17 ցենտով:
Ինչ վերաբերում է Brent Crude մակնիշի նավթի գներին, ապա այն Լոնդոնի InterContinental Exchange Futures Europe (IСE Futures Europe) էլեկտրոնային ապրանքային բորսայում կազմել է 94,84$/բարել` աճելով 9 ցենտով: