Այն բանից հետո, երբ Հունաստանը տնտեսական խիստ միջոցառումների մասին որոշում է ընդունել, Գերմանիայի ֆինանսների նախարարը հայտնել է, որ չի կարծում, թե այդ գործարքը բավական է 130 միլիարդ եվրո ֆինանսական օգնության համար:
Associated press-ը գրում է, որ, ըստ Հունաստանի տնտեսական խիստ միջոցառումների նոր պլանի, նախատեսվում է աշխատատեղերի և աշխատավարձերի կրճատում: Այս պլանն առաջացրել է հանրության և աշխատանքի նախարարության բարկությունը։ Վերջինիս նախարարը հրաժարական էր տվել` այդ կերպ բողոքելով գործարքի դեմ: Եվրոն օգտագործող 17 երկրների ֆինանսների նախարարները պատրաստվում են հանդիպել Բրյուսելում` պլանը քննարկելու նպատակով:
Այնուամենայնիվ, Գերմանիայի ֆինանսների նախարարն այսօր զգուշացրել է, որ ծախսերի նոր կրճատումներն իր կարծիքով բավական չեն՝ բավարարելու համար այն պայմանները, որոնց դեպքում Հունաստանը 130 միլիարդ եվրո ֆինանսական օգնություն կարող է ստանալ:
