«Եվս մի տարի մեր հասարակությունը ապրեց խորը մղձավանջի մեջ: Մղձավանջը արդյունք է սոցիալական և բարոյական խնդիրների, ինչպես նաև այսօրվա իշխանությունների վարած ոչ ադեկվատ, անհասկանալի արտաքին քաղաքականությանը: Ամբողջ տարվա ընթացքում հասարակությունը գտնվում էր անհասկանալի սթրեսների մեջ, մշտապես տեսնում էր իշխանությունների խոսքի և գործի տարբերությունը»,- վերհիշելով անցնող 2010թ.՝ կարծիք հայտնեց Հովհաննես Հովհաննիսյանը:
Արտաքին քաղաքականության առումով, Հովհաննիսյանի գնահատմամբ, ղարաբաղի խնդրի կարգավորումը ինչպես կար այնպես էլ մնացել է. «Բոլորը չափազանց սպասում էին Աստանայի գագաթաժողովի արդյունքներին, սակայն դրանք չարդարացրիեն ոչ մեկի սպասելիքները: Ամբողջ տարվա ընթացքում շարունակական էին հայ-թուրքական գործընթացի առանցքում միմյանց հասցեին հնչող փոխադարձ մեղադրանքները»:
2010թ. ընթացքում արձանագրված իրադարձություններից Հովհաննես Հովհաննիսյանը նաև առանձնացրեց ռուսական ռազմաբազաների տեղակայման մասին պայմանագրի ժամկետների երկարաձգումը: Հովհաննիսյանը նաև հավելեց, որ իր թվարկած բոլոր մարտահրավերներին այս իշխանությունները պատրաստ չէին դիմագրավել, Հայաստանի իմիջը գոնե մի քիչ առաջ տանելու. «Մեկ խոսքով ասած՝ Հայաստանի իշխանությունները արտաքին քաղաքականությունը ձախողեցին և, կարծում եմ, ձախողել են անվերադարձ, քանզի եղած գործընթացները անվերադառնալի են»:
