Ժամանակակից անգլիացի կոմպոզիտոր Փոլ Միլորը իր առջև գրեթե անիրագործելի խնդիր է դրել` խորությամբ գերազանցել ռուս աշխարհահռչակ կոմպոզիտոր Սերգեյ Ռախմանինովի 1915 թ. գրված Всенощное Бдение ստեղծագործությունը:
Ստեղծագործությունը շարունակում է անգերազանցելի մնալ իր շատ ցածր նոտայի շնորհիվ, որը երբևէ հնչել է համաշխարհային երաժշտության պատմության մեջ:
Վերջերս 36-ամյա Միլորը ավարտել է իր նոր` «Խորքից» (De Profundis) աշխատանքը, որը ներառում է ֆրագմենտներ, որտեղ կատարողը պետք է վերցնի ցածր նոտա` սի-բեմոլ կոնտրօկտավայից 6 կիսանոտա ցածր Всенощное Бдение-ի ամենացածր նոտայից: Չնայած իր բազմաթիվ դիմումներին ու կոչերին` Փոլ Միլորի առաջարկին դեռ ոչ մի վոկալիստ չի արձագանքել, որն ի վիճակի լիներ իրագործել Միլորի երազանքը: Այս մասին հաղորդում է ИТАР-ТАСС գործակալությունը:
Կոմպոզիտորը Decca ձայնագրման ընկերության հետ համատեղ հայտարարել է մրցույթ համացանցում` իր ստեղծագործության կատարման համար: Ցանկացողը կարող է իր ուժերը փորձել և կատարել երաժշտական աշխարհում ամենացածր նոտան: Նա, ով դա կկարողանա իրագործել, ձեռք կբերի համաշխարհային հռչակ, քանի որ Փ. Միլորը ծրագրում է իր ստեղծագործությունը ներկայացնել աշխարհի լավագույն համերգասրահներում:
Ավելի վաղ, կոմպոզիտորը ճանաչում ձեռք բերեց, երբ Լոնդոնում կայացած արքայազն Ուիլյամի ու Քեյթ Միդլթոնի հարսանիքի ամենահանդիսավոր պահին կատարեց հատուկ այդ առիթով գրված հիմնը:
