Հայտարարությունն այն մասին, որ Facebook խոշորագույն սոցիալական ցանցը բորսայում բաժնետոմսերի առաջնային տեղադրման դիմում է ներկայացրել և ակնկալում է ներգրավել առնվազն 5 միլիարդ դոլար, կասկածներ է առաջացրել այն մասին, թե ինչ է լինելու այս նոր միլիոնատերերի հարստության հետ, քանի որ ի հայտ կգան հարյուրավոր նոր միլիոնատերեր և անգամ միլիարդատերեր:
Daily Mail-ը գրում է,որ ամբողջ այս խառնաշփոթի մեջ հարկավոր է մտածել, թե ինչ է վաճառում ընկերությունը:
Պատասխանը պարզ է` օգտատերին: Սոցիալական հսկա ցանցն իր օգտատերին վերածում է արտադրանքի: Այն ամենը, ինչ մենք տեղադրում ենք սոցիալական ցանցում, դառնում է ընկերության սեփականությունը:
Facebook-ն ամբողջ աշխարհում 845 միլիոն օգտատեր ունի, որոնք ամեն օր ինչ-որ տեղեկություն են հայտնում իրենց մասին, տեղադրում տեսանյութեր և տեսահոլովակներ: Այս բոլոր տվյալները պահվում են ընկերության տվյալների բազայում:
Այս տեղեկությունները հավաքելով` Facebook-ն այնուհետև դրանք վաճառում է ընկերություններին, որոնք էլ դրանց հիմնա վրա ստեղծում են իրենց գովազդները և տեղադրում ցանցում, որից կրկին օգտվում է սոցիալական ցանցը:
