Грузия Online-ի փոխանցմամբ՝ ոչ վաղ անցյալում Հունաստանում ձերբակալված վրացի «օրենքով գող» Լաշա Շուշանաշվիլին (Լաշա Ռուսթավսկին) հայտարարել է, որ պատրաստ է իր ազատազրկումը կրել ամենուրեք, բացի Վրաստանից:
Ներկայումս Հունաստանի դատախազությունը քննարկում է, թե որ երկրին կարելի է արտահանձնել մաֆիայի գեներալին: Խոսքը վերաբերում է միանգամից 3 երկրի՝ Ռուսաստան, Վրաստան, Իսպանիա: Իսպանիայի իրավապահ մարմինները նրան մեղադրում են փողեր լվանալու, հանցավոր խմբավորումներ ստեղծելու և սպանության փորձի մեջ:
Ինտերպոլի աշխատակիցներն արդեն իսկ հարցաքննել են Շուշանաշվիլիին, որն ի զարմանս նրանց բավական անկեղծ է գտնվել և պատմել է նախկինում արած իր մութ գործերի մասին: Հենց այդ ժամանակ էլ Շուշանաշվիլին հայտարարել է, որ պատրաստ է իր ազատազրկումը կրել ամենուրեք, միայն թե ոչ Վրաստանում:
Իր այդ հայտարարությունը նա պայմանավորել է նրանով, որ շատ բան գիտի Վրաստանի քաղաքական անդրկուլիսային կյանքից և իրեն ծեծելով կսպանեն: