«ՀԺ»-ի լավատեղյակ աղբյուրները պնդում են, որ ՀՀ ոստիկանության պետ Վովա Գասպարյանի՝ հիմա արդեն հայտնի «G» դասի «Մերսեդես» ջիփը նրան նվիրել է ՊԵԿ նախագահ Գագիկ Խաչատրյանը՝ Գասպարյանի ոստիկանապետ դառնալուց օրեր անց:
«Երեկ երբ մեր թղթակիցը լուրի կապակցությամբ մեկնաբանություն Է խնդրել ՊԵԿ նախագահի մամուլի քարտուղար Նելլի Մանուչարյանից, որը հարցը լսելուց անմիջապես հետո հերքել Է լուրը: Երբ մեր թղթակիցը տարակուսել Է հանպատրաստից հերքման կապակցությամբ, դրանից հետո Է միայն խոստացել ճշտել ու զանգահարել: Ըստ ամենայնի, ՊԵԿ նախագահի մամուլի քարտուղարը իր հիմնական պարտականությունը համարում Է շեֆին ոչ այնքան ձեռնտու տեղեկությունների հերքելը, այլապես ինչպես կարող էր իմանալ, թե Խաչատրյանը ում, երբ, ինչ է նվիրել:
Այնուամենայնիվ, Մանուչարյանն ավելի ուշ զանգահարել է Գ. Խաչատրյանի անունից փոխանցել, որ լուրը, իհարկե, «չի համապատասխանում իրականությանը»:
«Հետաքրքիր կլիներ, եթե ասեր, որ համապատասխանում է իրականությանը. «Մերսեդես»-ը, որի մասին խոսվում է, կարող է արժենալ 120-150 հազար դոլար»:
