Ինչպես հայտարարել է ՌԴ փոխարտգործնախարար Գրիգորի Կարասինը, վրացական գինիները և «Բորժոմի»
հանքային ջուրը կարող են վաճառվել ռուսական շուկայում, քանի որ քաղաքական խոչընդոտներ չկան:
«Ես չեմ տեսնում քաղաքական խոչընդոտներ՝ վրացական գինիները և Բորժոմին ռուս սպառողներին մատակարարելու համար: Ամեն ինչ կախված է որակից և արդար մրցակցությունից»,- ասել է Կարասինը:
Վրացական կողմը հայտարարել է, որ ռուսական էմբարգոյից հետո գինու արտահանման եկամուտները մի քանի անգամ ավելացել են:
2011 թ. արտահանվել է մոտ 18 միլիոն շիշ վրացական գինի, իսկ 2012 թ. նախատեսվում է արտահանել 20 միլիոն շիշ:
