«Դար-21» հեռուստաընկերությունում գովազդի մեկ րոպեն, անկախ այն հանգամանքից, թե օրվա որ ժամին է, արժե 25 հազար դրամ, ինչը, սակայն, վերջնական գին չէ: Այս մասին «Առաջին լրատվական»-ի հետ զրույցում հայտնեցին «Դար-21» հեռուստաընկերությունից:
Ի դեպ, գովազդային բաժնից մեզ նաև հայտնեցին, որ հեռուստաընկերությունում գործում է սակագնային ճկուն քաղաքականություն, այսինքն`որքան մեծ է գովազդային փաթեթի գինը, այնքան ճկուն է տարվում սակագնային քաղաքականությունը:
Օրինակ` գովազդի համար 500-600 հազար դրամ վճարելու դեպքում հեռուստաընկերությամբ եթեր հեռարձակվող գովազդի 1 րոպեի գինը կարող է նվազել` հասնելով մինչև 15 հազար դրամի:
Նշենք, որ ՀՀ Ընտրական օրենսգրքի 19-րդ հոդվածի 4-րդ կետի համաձայն՝ ընտրությունների նշանակումից ոչ ուշ, քան 10 օր հետո հեռուստաընկերությունները հրապարակում են իրենց վճարովի եթերաժամի մեկ րոպեի գինը, որը չի կարող գերազանցել մինչև ընտրությունների նշանակումը վերջին վեց ամսվա համար առևտրային գովազդի միջին գինը և մինչև նախընտրական քարոզչության ավարտը չի կարող փոփոխվել:
