AskMen.com ինտերնետ-պորտալը հրապարակել է ամենացանկալի կանանց իր ավանդական վարկանիշային աղյուսակը: Աղյուսակում տեղ է գտել 99 անուն։ Այն կազմվել է ընթերցողների հարցումների հիման վրա: Քվեարկությանը մասնակցել է շուրջ մեկ միլիոն տղամարդ:
Եվ այսպես, 2012 թ. ամենացանկալի կանանց ցուցակում առաջին տեղը զբաղեցնում է կոլումբացի դերասանուհի Սոֆիա Վերգարան, որն անցյալ տարի զբաղեցնում էր երրորդ հորիզոնականը: Ամենայն հավանականությամբ, 39-ամյա Վերգարայի այդպիսի հաջողությունը պայմանավորված է վերջին՝ «Ժամանակակից ընտանիք» երգիծական բազմասերիանոց ֆիլմում է նրա աշխատանքով:
Վարկանիշային աղյուսակի երկրորդ հորիզոնականում հայտնվել է 19-ամյա մանեկենուհի և դերասանուհի Քեյթ Ափթոնը: Երրորդ հորիզոնականը զբաղեցրել է «Վիշապի դաջվածքով աղջիկը» ամերիկյան ֆիլմում Լիսբեթ Սալանդերի դերակատար Ռունի Մարան:
AskMen.com-ի ամենացանկալի կանանց աղյուսակի առաջին տասնյակն ունի հետևյալ տեսքը.
1. Սոֆիա Վերգարա
2. Քեյթ Ափթոն
3. Ռունի Մարա
4. Միրանդա Քեր
5. Նիկի Մինաժ
6. Էմմա Սթոուն
7. Սկարլետ Յոհանսոն
8. Քիմ Քարդաշյան
9. Ռիհանա
10. Քենդիս Սվեյնփոլը
2011 թ. ամսագրի ամենացանկալի կանանց ցուցակի առաջին հորիզոնականը զբաղեցնող Բլեյք Լայվլին այս տարի հայտնվել է 32-րդ հորիզոնականում: Նրանից բացի՝ ցուցակում տեղ են գտել Լեդի Գագան, Քեթի Փերին, Միլա Կունիսը, Ջեսիկա Ալբան, Բար Ռաֆաէլի, Ժիզել Բունդհենը, Ջորջիա Ջագերը, Իրինա Շեյքը, Քեյթ Մոսը, Կարոլին Վոզնյացկին և այլք:
Նշենք, որ 2012 թ. ցուցակից դուրս են մնացել Անժելինա Ջոլին և Ջենիֆեր Անիսթոնը, որոնք պարբերաբար առաջատար դիրքեր են զբաղեցնում նմանատիպ ցուցակներում:
