«Ախթալայի լեռնահարստացուցիչ կոմբինատի սեփականատեր Սերոբ Տեր-Պողոսյանը, որ տառապում Է աղիքային քաղցկեղով, այսօր Էլ չի վիրահատվի»,- գրում է «ՀԺ»-ն և հավելում.
««Միքայելյան» վիրաբուժության ինստիտուտի բժիշկներին նա խնդրել Է հետաձգել իր վիրահատությունը մինչև ուրբաթ, որպեսզի հնարավորություն ունենա մասնակցել իր գործով դատավարությանը:
Ինչպես տեղեկացրել ենք, Տեր-Պողոսյանը բողոքարկել Է Լոռու մարգի ընդհանուր իրավասության դատարանի որոշումը, որով մանկապղծության համար 15 տարվա ազատազրկման Էր դատապարտվել: ՀՀ Վերաքննիչ քրեական դատարանում առաջիկա ուրբաթ՝ փետրվարի 3-ին դատական նիստ է նշանակվել: Ըստ «Դատալեքս» համակարգի` Սերոբ Գորիոն Դեր-Բողոսսյանի նախագահող դատավորն Է Արմեն Դանիելյանը»:
Երեկ «Միքայելյան» վիրաբուժության ինստիտուտի փոխտնօրեն Օնիկ Մելքոնյանից թերթը հետաքրքրվել է, թե արդյոք Տեր-Պողոսյանն ի վիճակի՞ է սպասել մինչև ուրբաթ՝ հաշվի առնելով, որ նրա վիճակը բավական բարդ Էր ներկայացվում:
«Մեզ հաջողվեց նրան դուրս բերել վիճակից: Եթե այսպես շարունակի պահպանվել, ապա կարող ենք սպասել մինչև ուրբաթ, որ մասնակցի իր դատավարությանը: Բայց եթե նորից աղիքների անանցանելիություն սկսվեց, պետք Է վիրահատվի»,- ասել է բժիշկը:
«Դատավարության, ընթացքում, հասկանալիորեն, Տեր-Պողոսյանը կշարունակի մնալ հիվանդանոցում: Վերաքննիչում Էլ այս գործով դատավարությունը տեղի կունենա դռնփակ ռեժիմով»,- հավելում է թերթը:
