Մոտ 500 հնդիկ դպրոցականներ ունեցել են ինքնատիպ ձեռքբերում, որը գրացվել է Գինեսի ռեկորդների գրքում: Նրանք, հանգված Մահաթմա Գանդիի ավանդական շորը, շրջել են Կալկաթա քաղաքով: Այս մասին հայտնում РИА Новости-ն` վկայակոչելով IANS գործակալությանը:
«Փոքրիկ Գանդիներին» երթը կազմակերպվել էր Մահաթմայի մահվան 64-րդ տարելիցի կապակցությամբ: Բացի այդ, այս ռեկորդը տոնական միջոցառումների մի մասն է` նվիրված Հանրապետության օրվան, որը Հնդկաստանում նշվում է հունվարի 26-ին:
Երթին մասնակցել է 485 աշակերտ` հիմնականում աղքատ և ոչ լիակատար ընտանիքներից: «Վեր կա՛ց» (Rise Up!) կարգախոսով 10-16 տարեկան երեխաները անցել են քաղաքի կենտրոնով` շարժվելով հնդիկ ազգային-ազատագրական շարժման առաջնորդ Մահաթմա Գանդիի արձանի մոտից:
Երեխաները կրել են Գանդիի ավանդական հագուստը: Ձեռքներում պահել են գավազան, կրել են ակնոցներ և բեղեր:
Երթի կազմակերպիչները կարծում են, որ ռեկորդների գրքում գրանցվելը երեխաներին թույլ կտա «հպարտություն զգալ իրենց և իրենց երկրի համար»: