ԱՄՆ Կալիֆոռնիա նահանգի դպրոցներից մեկի տնօրենը 6-ամյա տղային մեղադրել է սեռական ոտնձգություն կատարելու մեջ, ինչը հարուցել է ծնողների բարկությունը:
Daily Mail-ի փոխանցմամբ՝ Լևինա Սուբրատայի տղան խաղալիս է եղել դպրոցի բակում, երբ նրան մեղադրել են իր լավագույն ընկերոջ վերին ազդրին և աճուկին դիպչելու համար:
Երեխային տարել են տնօրեն Սինթիա Թեյլորի գրասենյակ, որտեղ երկու ժամ մնալուց հետո երեխան խոստովանել է, որ դիպել է ընկերոջը: Նրան մեղադրել են սեռական ոտնձգություն կատարելու մեջ: Երեխայի ծնողներին տեղեկացրել են այդ մասին, և նրանք փորձել են ստանալ դատապաշտպանի խորհուրդը: Ըստ դատապաշտպանի՝ Կալիֆոռնիայում ոչ մի օրենք չկա, որով 6-ամյա տղային կարող են դատապարտել սեռական ոտնձգություն կատարելու մեջ: Տնօրենը մերժել է մեկնաբանություններ տալ, բայց երեխայի վրայից մեղադրանքը վերջիվերջո հանվել է:
