Լիբիայի ափերի մոտ գաղթականներով լի նավ է խորտակվել: Մահացել է 15 մարդ, իսկ 40 մարդ համարվում է անհայտ կորած: Այս մասին հաղորդում է France-Press գործակալությունը:
Պատահարը տեղի է ունեցել Միսրատա նավահանգստային քաղաքի մերձակայքում: Ինչպես հայտնել է Լիբիայում Սոմալիի դեսպան Աբդելգամի Վաիսը, նավի վրա գտնվում էին Սոմալիից գաղթականներ:
«Տասնհինգ դիակ է հայտնաբերվել Միսրատայի ափին, մահացածների թվում կան տասներկու կին և երեխա»,- ասել է Վաիսը:
ՄԱԿ-ի տվյալների համաձայն՝ 2011 թ. Միջերկրական ծովում մահացել կամ անհայտ կորել է ավելի քան 800 մարդ:
