Դասականը պետք է գա բանակ: Պետք է հասկանան, որ բանակում շփումը փողոցայինը չէ, բանակի մասին սերիալներով տպավորություն չպիտի ստեղծվի: Պետք է բանակ գնան բոլորը: Լրագրողների հետ հանդիպման ժամանակ նման տեսակետ արտահայտեց երգահան Դավիթ Ամալյանը:
«Կցանկանամ, որ մեր միջոցառումները լինեն դասական ու մակարդակով: Շոու բիզնեսը դարձել է դատարկություն»,- ասաց երաժիշտը և նշեց՝ բանակում միայն «քյարթու» տղերք չեն:
Ըստ երգչի, բանակն անհրաժեշտ է ազնվականացնել:
«Հնարավոր է փոխել այդ երեխաներին: Պետք է արժեքները փոխանցել մշակույթի միջոցով»,- ընդգծեց երգիչը:
Ռազմական փորձագետ Արծրուն Հվհաննիսյանն էլ ընդգծեց, որ բոլորս պետք է մեր նպաստը բերենք բանակի կայացմանը:
«Հերիք է ամպագոռգոռ բաներ ասել, այլ պետք է գործել: Տոնական տրամադրությունը բանակի նկատմամբ պետք է լինի ամեն օր»,- ասաց ռազմական փորձագետը:
