Բրիտանացի հայտնի դերասան Քոլին Ֆերտին պարգևատրվել է Բրիտանական կայսրության հրամանատարի շքանշանով: 51-ամյա դերասանը այս բարձր պարգևը ստացել է երեքշաբթի օրը Բուկինգհեմյան պալատում արքայազն Չարլզից նրա պապի` Գեորգ Վեցերորդի դերը ֆիլմում գերազանց կատարելու համար: Այս մասին հայտնում է ИТАР-ТАСС գործակալությունը:
2010 թվականին «Թագավորը խոսում է» պատմական դրամայում Ֆերտը խաղացել է թագավորի դերը, որն ուներ խոսքի խանգարում և պայքարում էր դրա դեմ: Կերպարը հրաշալի կատարելու համար նա արժանացել է Բրիտանիայի կինեմատոգրաֆիայի և հեռուսատատեսային արվեստի ակադեմիայի մրցանակի, «Ոսկե Գլոբուսի» և «Օսկարի»:
Ֆերտը դերասական կրթություն ստացել է Լոնդոնի դրամատիկական կենտրոնում, որի բեմում տեղ է ունեցել նրա պրոֆեսիոնալ դեբյուտը: Բացի թատրոնում և կինոյում դերերից՝ նա նաև ստեղծագործում է գեղարվեստական արձակ: Նրա առաջին պատմվածքը «Ոչնչի վարչությունը» (The Department of Nothing) ստեղծագործությունն է:
2011 թվականին Ֆերտի պատվին Հոլիվուդի Փառքի արարհետում հայտնվել է նոր աստղ:
