«Ժողովուրդ»-ն արդեն գրել Է, որ Սերժ Սարգսյանի եղբայր Լևոն Սարգսյանի մասնակցությամբ Հայաստանում սնանկացրել են 5 միլիոն դոլարի ներդրում արած սփյուռքահայ գործարար Էդմոն Խուդյանին:
«Այս գործարքին, ըստ ՀՀ փաստաբանների պալատի փոխնախագահ Նիկոլայ Բաղդասարյանի, մասնակցել են նաև Վլադիսլավ Մանգասարյանն ու Էդիկ Եսայանը՝ խաբեությամբ յուրացնելով ամերիկահայ գործարար էդմոն Խուդյանի՝ անշարժ գույքի վրա արված ներդրումները»,- ապա թերթը հավելում է.
«Տեղեկացանք, որ այս պատմության կապակցությամբ բավականին տհաճ խոսակցություն է եղել Սերժ Սարգսյանի և նրա եղբոր միջև: Ս. Սարգսյանը նեղսրտել է, որ իր ինտելիգենտ եղբայրը ևս նախընտրական շրջանում քրեածին պատմության մեջ է հայտնվել: Նա հորդորել է եղբորն ամեն կերպ մաքրվել»:
