ՀՀ տրանսպորտի և կապի նախարարությունն «Առաջին լրատվական»–ին տեղեկացնում է, որ հունվարի 26-ի ժամը 17.00-ի դրությամբ, հանրապետության տարածքում միջպետական , հանրապետական ճանապարհներն ու լեռնանցքները հիմնականում երթևեկելի են:
«Ուշադրություն. Սաստիկ բուքի ու վատ տեսանելիության պատճառով շարունակում են փակ մնալ Սելիմի լեռնանցքը և Բերդ-Ճամբարակ հատվածը:
Սիսիանի տարածաշրջանում տեղ-տեղ առկա է մերկասառույց: Շիրակի մարզի Մարալիկ-Լանջիկ հատվածը ևս տեղ-տեղ պատված է մերկասառույցով:
Անվտանգ երթևեկությունն ապահովելու նպատակով հանրապետության բոլոր ճանապարհներին կատարվում են ձյունից մաքրման, աղով և ավազով մշակմա ն շուրջօրյա ինտենսիվ աշխատանքներ:
Տրանսպորտի և կապի նախարարությունը հորդորում է վարորդներին երթևեկել միայն ձմեռային անվադողերով»,– ասվում է նախարարության տարածած հաղորդագրության մեջ։