ՄԱԿ-ի հովանու ներքո Նյու-Յորքում Կիպրոսի հարցի շուրջ տեղի ունեցող երկօրյա քննարկումները չտվեցին զգալի արդյունքներ: Այս մասին գրում է BBC-ն:
ՄԱԿ-ի գլխավոր քարտուղար Պան Գի Մունն ասել է, որ կարելի է խոսել միայն սահմանափակ առաջընթացի մասին:
Պան Գի Մունը նաև ասել է, որ մարտին ինքը որոշում կընդունի կղզու վերամիավորման հարցով միջազգային կոնֆերանս հրավիրելու անհրաժեշտության մասին։
Նյույորքյան հանդիպումը հինգերորդն էր, որ կազմակերպվել էր Պան Գի Մունի կողմից: Այս հանդիպումների միջոցով նա ցանկանում է լուծել Կիպրոսի հարցը մինչև հուլիս, երբ Կիպրոսի Հանրապետությունը կդառնա ԵՄ անդամ երկրներից մեկը: