Հայաստանի բնակչության մոտ 68.1%-ն ընդհանուր բացասական տպավորություն ունի Սերժ Սարգսյանի օրոք տեղի ունեցած փոփոխությունների վերաբերյալ: Սա պարզվել է «Այ Փի Էս Սի» քաղաքական և սոցիոլոգիական խորհրդատվությունների ինստիտուտի իրականացրած «ՀՀ իշխանությունների գործունեության գնահատականները. տեսանելիությունը, ձեռքբերումներն ու բացթողումները և զարգացման ռազմավարական առաջարկները» սոցիոլոգիական հետազոտության արդյունքներով: Զանգվածային հարցում անցկացվել է 1,610 մարդկանց շրջանում, որից 565-ը՝ մայրաքաղաքում, 1045-ը` ՀՀ 10 մարզերում:
Ըստ այդմ՝ 25.8%-ը կարծում է, որ բացասական տեղաշարժ արձանագրվել է գնաճի, հարկերի բարձրացման մասով, 9.8%-ը՝ աշխատատեղերի կրճատման և գործազրկության, 7.5%-ը՝ կենսամակարդակի վատացման և 5.5%-ը՝ միգրացիայի աճի:
