Լիբիայի նոր իշխանություններից դժգոհ 200 զինված ցուցարարներ մտել են Բենգազիում գտնվող Ազգային անցումային խորհրդի շտաբի շենքը:
Շաբաթ օրը ժամանակավոր կառավարության շենքի մոտ հարյուրավոր մարդիկ դուրս էին եկել ցույցի: Ցուցարարների կարծիքով՝ իշխանությունները մի շարք օրենքներ ընդունել են առանց հանրային քննարկման և ոչ ժողովրդավարական ճանապարհով:
«Մենք չենք ցանկանում, որ մի բռնապետին փոխարինի մյուս բռնապետը: Մեզ թվում է, որ այս մարդիկ ոչնչով չեն տարբերվում Քադաֆիից և խոսում են նույն՝ ուժի լեզվով»,- ասել է ցուցարարներից մեկը:
Ցուցարարները պայթեցրել են դարպասները և ներխուժել: Վերջիններս Լիբիայի Ազգային անցումային խորհրդի անդամներին երկխոսության կոչ են անում:
Դեռևս հայտնի չէ, թե ինչպես է ավարտվել միջադեպը:
