Ֆրանսիայի նախագահ Նիկոլա Սարկոզիի կարծիքով՝ Իրանին հարվածելուց հետո Մերձավոր Արևելքում կտիրի իսկական քաոս:
Ելույթ ունենալով դիվանագետների առջև՝ Սարկոզին նշել է, որ Իրանին հարվածելով չի լուծվի միջուկային զենքի խնդիրը, ինչի պատճառով սրվել են հարաբերությունները Թեհրանի ու Արևմուտքի միջև:
Ինչպես գրում է «Ազատություն» ռադիոկայանի ռուսական բաժինը, Ֆրանսիան ամեն դեպքում կփորձի հեռու մնալ ռազմական գործողություններից:
Հիշեցնենք, որ Ֆրանսիայի նախագահը նաև կոչ է արել ուժեղացնել Իրանի հանդեպ տնտեսական պատժամիջոցները:
Նշենք, որ այսօր ԱՄՆ զինված ուժերի շտաբի պետ, գեներալ Մարտին Դեմփսին բանակցություններ է սկսել Իսրայելում: Ըստ տեղեկությունների՝ ԱՄՆ-ի ներկայացուցիչն Իսրայելին համոզել է հրաժարվել Իրանին հարվածելու մտադրությունից:
