Արգենտինայում ամուսնությունները գրանցող դատավորը սխալմամբ հարսնացուին ամուսնացրել է վկայի հետ: Ինչպես հայտնում է EFE գործակալությունը, միջադեպը տեղի է ունեցել Կորդովա քաղաքում:
Գործակալության տեղեկությունների համաձայն՝ դատավորը սխալ է գործել, քանի որ շփոթել է փեսացուի և վկայի փաստաթղթերը: Երբ գերատեսչության աշխատակիցը հասկացել է իր սխալը, այդ մասին հայտնել է հարսնացուին. «Օ, կարծես թե ես Ձեզ անուսնացրել եմ վկայի հետ»,- ասել է նա Կորդովայի 30-ամյա բնակչուհուն:
Մի քանի րոպե անց իրավիճակը շտկել են: Համապատասխան լիազորություններով օժտված դատավորը չեղյալ է համարել փաստաթուղթը: Քաղաքացիական ակտերի գրանցման բաժնում հարսնացուի և փեսացուի տվյալներն ի վերջո ճիշտ են գրանցվել: