Իրանը չորեքշաբթի օրը հայտնել էր, որ կապ է պահպանում հզոր ուժերի հետ՝ բանակցությունները շուտով վերսկսելու համար, սակայն Եվրոպական միությունը հերքել է այս լուրերը:
Մեծ Բրիտանիան իր հերթին ասել է, որ Թեհրանը պետք է ցույց տա, որ լուրջ է տրամադրված, եթե ցանկանում է խուսափել Եվրոպական միության նոր պատժամիջոցներից, որոնք երկրի դեմ սահմանվել են կասկածելի միջուկային ծրագրի պատճառով:
Reuters-ը գրում է, որ անցած տարի վերջին բանակցությունների խափանվելուց հետո հակամարտությունն այժմ ավելի է սրվում, քանի որ Եվրոպական միությունը նոր պատժամիջոցներ է սահմանում Իրանի դեմ, ինչպես նաև էմբարգո է սահմանում Իրանի նավթի արտահանումների վրա:
