Իտալիան և Մեծ Բրիտանիան այսօր Եվրոպական միությանը կոչ են արել խթանել տնտեսական աճը, և չկենտրոնանալ միայն տնտեսական խիստ միջոցառումների վրա, որոնք նպատակ ունեն նվազեցնել եվրոգոտու ճգնաժամի պատճառ դարձած պարտքի չափը:
Reuters-ը հաղորդում է, որ սա Իտալիայի վարչապետ Մարիո Մոնտիի առաջին այցն էր Բրիտանիա այն ժամանակից ի վեր, ինչ նա զբաղեցնում է վարչապետի պաշտոնը: Նա բանակցություններ է ունեցել Բրիտանիայում իր գործընկեր Դևիդ Քեմերոնի հետ, ով Եվրոպական միության մեջ մենակ էր մնացել այն բանից հետո, երբ հրաժարվել էր ստորագրել պայմանագիրը, որը նպատակ ուներ վերացնել եվրոգոտու ճգնաժամը:
Մոնտին իր խոսքում ասել է, որ Մեծ Բրիտանիան և Իտալիան կարծում են ,որ ֆիսկալային կարգապահությունն անհրաժեշտ պայման է տնտեսական աճի համար, բայց բավարար չէ:
