Աֆղանստանի հարավային նահանգ Գիլմենդում երկու պայթյունների արդյունքում մահացել է 13 մարդ:
Ինչպես գրում է «Ազատություն» ռադիոկայանի ռուսական բաժինը, մահապարտը պայթեցրել է իրեն Կաջակի շրջանում, որի արդյունքում մահացել են 7 ոստիկաններ ու 2 քաղաքացիներ: Իսկ Նադ Ալի շրջանի պայթյունի հետևանքով մահացել է 4 մարդ:
Չորեքշաբթի օրը հայտնի դարձավ նաև այն, որ ՆԱՏՕ-ի զորքերը գիշերը զինված գործողություններ են իրականացրել, որի հետևանքով մահացել են 5 խաղաղ բնակիչներ: Նրանց մեջ եղել են կանայք ու մեկ երեխա: