Ինչպես հաղորդում է «Эхо Москвы» ռադիոկայանը, Եկատերինբուգում շենքերի պատերին այս գիշեր հայտնվել են Պուտինի և Խոդորկովսկու մոտ 80 նկարներ, որոնց տակ գրված է՝ «Փոխանակում եմ Պուտինին Խոդորկովսկիով»: Ակցիան իրականացրել են «Օբորոնա» երիտասարդական շարժման ներկայացուցիչները: Ինչպես հայտնել են կազմակերպություններից, նրանց վրդովել են Պուտինի խոսքերը Խոդորկովսկու մասին, թե «գողը պետք է նստի բանտում»: Նրանք համաձայն են այդ մտքին, բայց ասում են, որ պետք է լինի հակառակը՝ բանտում պետք է լինի վարչապետ Պուտինը, քանի որ հենց ինքն է միլիարդավոր դոլարների վնաս հասցրել երկրին: Շարժման ներկայացուցիչ Ստեպան Ռուսակովը հայտնել է, որ ակցիայի ժամանակ ոչ ոք չի ձերբակալվել, քանի որ նրանք դա արել են գիշերը, երբ փողոցում -30 աստիճան է եղել, ուստի ոչ մի ոստիկանի փողոցում չեն տեսել: