Բրիտանացի փոփ-երգչուհի Ադելը դարձել է կարաոկեի սիրահարների շրջանում ամենահայտնի կատարողը:
Ինչպես հայտնում է The Press Association-ը, Ադելի երգերը գերադասում է օնլայն-կարաոկե առաջարկող բրիտանական Lucky Voice կայքի ամեն չորրորդ այցելուն: Ռեսուրսի բազայում, որտեղ գրանցված է 100 հազար օգտատեր, կա 3 միլիոն երգ:
Կարաոկեի սիրահարների շրջանում ամենահայտնի երգը Ադելի Someone Like You երգն է, որը գերադասում է օգտատերերի 14 տոկոսը: Երկրորդ հորիզոնականում է հայտնվել Ադելի ձայնագրած Make You Feel My Love երգը: Այն կարաոկեում պատվիրում է օգտատերերի 10 տոկոսը: Եռյակը եզրափակում է Դևիդ Բոուի Heroes երգը:
Ադելի երկրորդ ալբոմը 2011 թվականին աշխարհի ամենաշատ վաճառվող ալբոմն է: Վաճառվել է 17 միլիոն օրինակ: Ադելի երգերն այնքան հայտնի են, որ դրանք արդեն արգելում են միացնել երաժշտական խանութներում: