Lions Gate Entertainment Corporation ընկերության (առավել հայտնի է Lionsgate անվանմամբ) ղեկավար Ջոն Ֆելտհայմերը հայտարարել է, որ «Մթնշաղ» (The Twilight Saga), վամպիրների մասին ֆիլմն ունենալու է նոր սիքվելներ: Այս մասին հայտնում է OpenSpace-ը` վկայակոչելով Digital Spy-ին:
Ավելի վաղ ենթադրվում էր, որ Ստեֆանի Մայերի «Լուսաբաց» (Breaking Dawn) վեպի երկրորդ մասի էկրանավորումը («Մթնշաղ» սերիայի վերջին մասը) դառնալու էր նրա եզրափակիչ մասը, սակայն պարզվեց, որ Lionsgate-ն դրանով չի սահմանափակվելու:
«Ես սպասում եմ, որ «Լուսաբացի» երկրորդ մասը համաշխարհային վարձույթում հավաքելու է 700 միլիոն դոլար»,- հայտնել է Ֆելտհայմերը The Los Angeles Times-ին տված հարցազրույցում:
Lionsgate-ի ղեկավարն ասել է, որ ապագայում հույս ունի սերիալ նկարահանել «Մթնաշաղի» հիման վրա:
«Մթնշաղ: Սագա: Լուսաբաց: Մաս 1-ին» (The Twilight Saga: Breaking Dawn Part 1) հավաքել է մոտ 698 միլիոն դոլար` դառնալով 2011 թվականի ամենաեկամտաբեր ֆիլմերից մեկը: Ֆիլմի երկրորդ մասը էկրան է բարձրանալու 2012 թվականի նոյեմբերի 16-ին: