Այսօր Հոլանդիայի Վայկ ան Զեե քաղաքում տեղի կունենա Tata Steel շախմատային ամենամյա փառատոնի A խմբի 3-րդ տուրը:
Տուրի կենտրոնական հանդիպման ժամանակ կմրցեն Լևոն Արոնյանն ու FIDE-ի դասակարգման աղյուսակում առաջին տեղը զբաղեցնող Մագնուս Կառլսենը: Հիշեցնենք, որ կայացած երկու տուրերից հետո Արոնյանը վաստակած 2 միավորով մրցաշարի միանձնյա առաջատարն է, իսկ նորվեգացին վաստակել է 1.5 միավոր և կիսում է 2-4 տեղը:
3-րդ տուրի մրցավեճերի զույգերն են.
Լևոն Արոնյան – Մագնուս Կառլսեն,
Բորիս Գելֆանդ – Վեսելին Տոպալով,
Սերգեյ Կարյակին – Անիշ Գիրի,
Հիկարու Նակամուրա – Ֆաբիանո Կարուանան,
Թեյմուր Ռաջաբով – Դավիդ Նավարա,
Գատա Կամսկի – Վասիլի Իվանչուկ,
Լյուկ վան Վիլի – Վուգար Հաշիմով: